'धर्मवीर चषक २०२६' पावसाळी ओव्हरआर्म क्रिकेट स्पर्धेचा दिमाखदार शुभारंभ!

मुंबई : खेरनगर, वांद्रे (पूर्व) येथील छत्रपती शिवाजी महाराज क्रीडांगणावर आयोजित 'धर्मवीर चषक २०२६' पावसाळी ओव्हरआर्म क्रिकेट स्पर्धेचा राज्याचे गृहराज्यमंत्री योगेश कदम यांच्या हस्ते उत्साहपूर्ण वातावरणात दिमाखदार शुभारंभ संपन्न झाला. युवकांमध्ये क्रीडाभाव, शिस्त, एकता आणि सामाजिक बांधिलकीची भावना रुजविण्याच्या उद्देशाने आयोजित या स्पर्धेला खेळाडू आणि क्रीडाप्रेमींचा उत्स्फूर्त प्रतिसाद लाभला.

       शिवसेना विभाग क्र. ७ चे विभागप्रमुख कुणाल सरमळकर यांच्या पुढाकारातून आयोजित या स्पर्धेत अनेक नामांकित संघ सहभागी झाले असून, प्रथम पारितोषिक ₹३ लाख व द्वितीय पारितोषिक ₹२ लाख तसेच धर्मवीर चषक प्रदान करण्यात येणार आहे. पावसाळी वातावरणात रंगणाऱ्या या स्पर्धेने परिसरात उत्साहाचे वातावरण निर्माण केले आहे.